Mınskidegi №141-shi saılaý ýchaskesinde daýys berý aıaqtaldy
MINSK. 3 sáýir. QazAqparat /Aıtýar Mamlın/ - Saılaý zańnamalaryna sáıkes Mınskide jergilikti ýaqyt boıynsha saǵat 20.00-de Belarýstaǵy Qazaqstan Elshiliginde uıymdastyrylǵan №141-shi saılaý ýchaskesinde QR Prezıdentiniń kezekten tys saılaýyndaǵy daýys berý aıaqtaldy.
Saılaýshylar 100 paıyz daýys berýge keldi. Bul týraly agenttiktiń tilshisine №141-shi Mınsk saılaý ýchaskesi ýchaskelik saılaý komıssııasynyń tóraǵasy Qadyr Qasabolatov málim etti.
«Jalpy alǵanda daýys berýshiler saılaýǵa 100 paıyz qatysty. Daýystar sanalyp bitken soń QR Ortalyq saılaý komıssııasyna qajetti hattama jiberiledi», - dep atap ótti saılaý komıssııasynyń ókili.
