Mınskide UQShU syrtqy ister mınıstrleriniń keńesi ótedi

ASTANA. QazAqparat – Premer-Mınıstrdiń orynbasary – Syrtqy ister mınıstri Murat Nurtileý Mınskidegi UQShU syrtqy ister mınıstrleriniń keńesine qatysady, dep habarlaıdy QazAqparat tilshisi. Bul týraly vedomstvonyń resmı ókili Aıbek Smadııarov málim etti.

«19-23 maýsymda Mınskide UQShU Syrtqy ister mınıstrleri keńesiniń kezekti otyrysy ótkiziledi. Qazaqstandyq delegatsııany Premer-Mınıstrdiń orynbasary – Syrtqy ister mınıstri Murat Nurtileý basqarady. Іs-shara barysynda UQShU-ny odan ári damytý aspektilerin talqylaý josparlanyp otyr», - dedi Aıbek Smadııarov.

Onyń aıtýynsha, Murat Nurtileý Belarýs Respýblıkasyna Mınsk tarapynyń shaqyrýymen resmı sapar jasaıdy. Sapar barysynda mınıstr belarýstyq áriptesi Sergeı Oleınıkpen saıası, saýda-ekonomıkalyq jáne mádenı gýmanıtarlyq salalardaǵy ekijaqty yntymaqtastyqtyń keń aýqymdy máselelerin talqylaıdy.