Mınskide TMD Aqparattyq keńesiniń otyrysy ótti
Otyrysta TMD Atqarýshy hatshysy - Atqarý komıteti Tóraǵasynyń birinshi orynbasary Vıktor Gýmınskıı aqparat agenttikteriniń jumysynda tek jedeldik qana emes, birinshi kezekte aldymen ádildik óte mańyzdy ekendigin atap ótti. Óıtkeni kóp nárse tilshiniń aqparatty qalaı berýinde. Qoǵamnyń kóńil-kúıi de osyǵan baılanysty bolmaq.
«Biz ómirdiń qalaı tez ózgerip jatqanyn kórip otyrmyz. Bárimiz óte shıelenisken oqıǵalar ortasyndamyz, keshegi jańalyq, bul - ótken tarıh. Al adamdarda qandaı pikir qalyptasatyndyǵy jáne azamattardyń kóńil-kúıi men pozıtsııasy jýrnalısterge baılanysty», - dedi ol.
«Oqıǵa jańalyqqa aınalmas buryn óńdeýden ótedi, biraq bári birdeı emes, olar da jarııalanyp jatady», - dep atap ótti Vıktor Gýmınskıı. «Búginde saýatty berilgen aqparat - beıbitshilik máselesi».
TASS Bas dırektory Sergeı Mıhaılovtyń sózinshe, aǵymdaǵy jyly 100 jyldyq mereıtoıyn atap ótip jatqan Belarýs telegraf agenttigi (BELTA) tehnologııalyq jáne shyǵarmashylyq serpiliske ıe.
Belarýs áriptesteriniń deńgeıin baǵalaǵan Sergeı Mıhaılov BELTA laıyqty jumys atqarýda, dep atap ótti.
TASS Bas dırektorynyń birinshi orynbasary Mıhaıl Gýsman bolsa, aqparat agenttikteriniń halyqaralyq yntymaqtastyǵy qazirgideı syndarly sátte nyǵaıa túsýi qajet degen pikirde.
Táýelsiz memleketter dostastyǵy aqparat agenttikteri basshylary keńesiniń otyrysyna «QazAqparat» HAA bas dırektorynyń orynbasary Jasulan Toıboldın qatysty.
