Mınskide «Listapad» kınofestıvaline TMD elderiniń qatysýyn keńeıtý máselesi qaralady

ASTANA. QazAqparat - 13-14 naýryzda Mınskide Dostastyqtyń  Atqarýshy komıtetiniń jumys toby osy qalada ótetin «Listapad» halyqaralyq kınofestıvaline TMD elderiniń qatysýyn keńeıtý máselesin  talqylamaq. 

Bul týraly TMD Atqarýshy komıtetiniń saıtynda habarlandy.

Basqosýdyń basty maqsaty - TMD qabyldaǵan kınematografııa salasyndaǵy qol jetkizilgen kelisimderdiń tıimdiligin saralaý jáne ony júzege asyrý tetikterin aıqyndaý.  

TMD Atqarýshy komıtetine búgingi tańda Belarýs Mádenıet mınıstrliginen, Azerbaıjan Mádenıet jánen týrızm mınıstrliginen, Qyrǵyzstan Mádenıet, aqparat jáne týrızm mınıstrliginen, Reseı Mádenıet mınıstrliginen jáne Kınematografıster odaǵy konfederatsııasynan usynystar túsken. Jumys toby osy qujattardy talqylaıtyn bolady. Sondaı-aq qatysýshylar "Belarýsfılm" kınostýdııasynyń jumysymen tanysady.

Eske sala ketsek,  TMD elderi Mádenı yntymaqtastyq boıynsha Keńesi aıasynda kınematografııa jumys toby 2011 jyly qurylǵan bolatyn.

Qazirgi ýaqytta osy topty  Belarýs kınematografıster odaǵynyń tóraǵasy Vıktor Vasılev basqarady.