Mınskide «Kýlınarnaıa dıplomatııa» kitabynyń saltanatty tanystyrylymy ótti
MINSK. 7 shilde. QazAqparat /Aıtýar Mamlın/ - Mınskide «Kýlınarnaıa dıplomatııa» kitabynyń saltanatty tanystyrylymy ótti. Bul basylym Elshilerdiń, dıplomattar men sheteldik ókilderdiń zaıyptarynyń Mınsk halyqaralyq áıelder klýbynyń avtorlyq jobasy bolyp tabylady.
Aǵymdaǵy jyldyń qańtar aıynda qolǵa alynǵan bul jobaǵa Mınsk halyqaralyq áıelder klýbynyń músheleri kiretin 24 eldiń 215 taǵam retseptteri kirip otyr.
Aspazdyq dıplomatııa jobasynyń teń qurastyrýshysy, klýbtyń qaıyrymdylyq komıtetiniń tóraıymy, Qazaqstannyń Belarýs Respýblıkasyndaǵy Elshiliginiń birinshi hatshysynyń zaıyby Elmıra Kıikovanyń aıtýynsha, Mınsk halyqaralyq áıelder klýbynyń negizgi maqsaty - túrli mekemelerge - aýrýhanalar men ınternattarǵa, balalar úılerine, sondaı-aq emdelýge muqtaj balalar men múgedekterge qaıyrymdylyq kómek kórsetý. «Búgingi sharadan túsetin qarjynyń barlyǵyn klýb Belarýs elinde júzege asyrylyp jatqan qaıyrymdylyq jobalarǵa jumsaıtyn bolady», - dedi E.Kıikova hanym.
Kesh barysynda qaıyrymdylyq lotereıa uıymdastyryldy, odan túsken qarjynyń barlyǵy muqtajdarǵa kómektesýge jumsalady.
«Kýlınarnaıa dıplomatııada» Qazaqstannyń ulttyq ashanasyna arnalǵan taraý bar.
