Mınskide qolyna ara ustaǵan er azamat adamdarǵa tap berdi
ASTANA. QazAqparat - Mınskide benzınmen otalatyn ara men balta ustanǵan er azamat «Eýropa» saýda úıine kelýshilerge shabýyldady. Bul týraly lenta.ru saıtyna silteme jasap QazAqparat habarlady.
Portaldyń habarlaýynsha, er azamat shabýyldaǵan qyzdardyń biri dene jaraqattarynyń saldarynan oqıǵa ornynda mert boldy. Ekinshisi aýyr jaraqattarmen aýrýhanaǵa jetkizildi.
«Kúdikti azamat ustaldy. Bul 1988 jyly týǵan slavıan halyqtarynyń ókili. Ulty - belarýs»,-dedi Belarýs memleketi Tergeý komıtetiniń ókili ıÝlııa Goncharova. Qylmystyq is qozǵaldy.
Goncharovanyń aıtýynsha, aldynda adamdarǵa shabýyldaǵan eki adam degen aqparat jalǵan bolyp shyqty. Ol sonymen qatar, BAQ betterinde jazylǵan shabýyldaýshy ólgen adamdardyń bastaryn kesip alǵan degen aqparatty da joqqa shyǵardy.
Rıa Novostı agenttiginiń málimetterinshe, er azamat saýda úıine shamamen jergilikti ýaqyt boıynsha 17-20 mınýtta kirgen. Onyń qolynda gıtaranyń qalyby bolǵan. Saýda úıine kirgen soń sol qalyptan benzınmen ot alatyn arany shyǵaryp, qyzǵa tap bergen. Budan soń ol qolyna balta alyp, ekinshi qyzǵa dene jaraqattaryn salǵan. Birneshe mınýttan soń qylmyskerdi oqıǵa ornyna jetken mılıtsııa qyzmetkerleri toqtatty.
