Mınskide Qazaqstannyń EQYU-ǵa tóraǵalyǵyna arnalǵan halyqaralyq konferentsııa ótedi
A. Jeltoqsannyń 7-si. QazAqparat /Qanat Mámetqazyuly/ - Jeltoqsannyń 11-inde Mınsk qalasynda «Qazaqstannyń EQYU-ǵa tóraǵalyǵy: perspektıvalar, máseleler men qyr kórsetýler» atty halyqaralyq konferentsııa ótedi dep josparlanýda. Bul týraly búgin Syrtqy ister mınıstrliginde ótken brıfıngte mınıstrliktiń resmı ókili Erjan Ashyqbaev málim etti,
dep habarlaıdy QazAqparat.
«Konferentsııa barysynda Qazaqstannyń tóraǵalyqqa daıyndyǵy jóninde máseleleri talqylanady. Budan basqa, jıyn barysynda «Eýropaǵa jol» atty elimizdiń memlekettik baǵdarlamasyn iske asyrý týraly aqparattar qamtylady. 2010 jylǵy Qazaqstannyń EQYU-ǵa tóraǵalyǵynyń logotıpiniń tanystyrý rásimin ótkizý de josparlanýda», dedi E. Ashyqbaev.
Budan basqa, resmı ókildiń aıtýynsha, jeltoqsannyń 9-10-ynda Brıýsselde EQYU taqyrybynda joǵary deńgeıdegi semınar ótetini kútiledi. Semınardyń maqsaty Eýropalyq odaqqa múshe memleketterdiń EQYU-ǵa tóraǵalyq etý tájirıbesimen tanysý bolyp tabylady. Atalǵan shara barysynda Eýropalyq Odaq elderiniń joǵary laýazymdy tulǵalarymen kezdesý de josparlanýda. Qazaqstan tarapynan semınarǵa QR Syrtqy ister mınıstrliginiń Erekshe tapsyrmalar jónindegi elshisi Dýlat Qýanyshev qatysady.
