Mınskide qazaqstandyq balýan qyz chempıon atandy
ASTANA. QazAqparat - Belarýs eliniń astanasy Mınsk qalasynda erkin kúresten Olımpıada oıyndarynyń úsh dúrkin chempıony Aleksandr Medved atyndaǵy halyqaralyq týrnırde qazaqstandyq balýan qyz chempıon atandy, dep habarlaıdy QazAqparat tilshisi.
QR Kúres túrleri federatsııasy málim etkendeı atalǵan týrnır Belarýs eliniń astanasy Mınsk qalasynda ótti.
Bul týrnır erkin jáne áıelder kúresinen jyl saıyn dástúrli túrde uıymdastyrylyp keledi. Bıylǵy dodada Qazaqstanyń áıelder quramasy 1 altyn, 1 kúmis, 3 qola medal jeńip aldy.
Atap aıtsaq, 55 keli salmaqta kúresken Marına Sedneva fınalda reseılik balýannan basym túsip, týrnır jeńimpazy atandy. Al 50 kelide Valentına Islıamova - kúmis júldege qol jetkizse, 53 kelidegi Aısha Ýalıshan, 68 kelide el namysyn qorǵaǵan Ekaterına Larıonova men 72 kelidegi Jámıla Baqbergenova Medved atyndaǵy týrnırdiń qola júldesine ıe boldy.
