Mınskide esirtki taratqan 37 adamǵa úkim shyqty

MINSK. BELTA-QazAqparat - Mınsk qalalyq soty esirtki taratýǵa qatysty aýqymdy is boıynsha úkim shyǵardy, dep habarlaıdy QazAqparat BELTA agenttigine silteme jasap.

Іs boıynsha 37 adam sottalǵan. Olarǵa búkil elge iri mólsherde esirtki taratty degen aıyp taǵylǵan.

«Belarýs 1»telearnasynyń habarlaýynsha, is fıgýranttarynyń kópshiligi uıymdasqan toptardyń quramynda bolǵan, negizinen ınternet arqyly qylmys jasaǵan.

Tergep-tekserý kezinde 7 kılogramnan astam esirtki zat tárkilengen.

Qylmystyq top quramyndaǵylardyń árqaısysy óz mindetin atqarǵan: biri esirtkini daıyndap berip otyrsa, endi bireýleri kýrer bolǵan.

Іstiń aıaǵynda sottalýshylarǵa qylmysyna qaraı ártúrli deńgeıde jaza belgilendi. Eń aýyr jaza taǵaıyndalǵan qylmysker 15 jylǵa bas bostandyǵynan aıyryldy.

Eki adam qamaýdan bosatyldy.