Mınskide EQYU-nyń XVIII Ekonomıka-ekologııalyq forýmyna ekinshi daıyndyq konferentsııasynyń jumysy aıaqtaldy
STANA. Naýryzdyń 17-si. QazAqparat - Seısenbi kúni Mınskide «Shekara ótkelderinde laıyqty basqarýdy ilgeriletý,
EQYU keńistiginde jerústi kólikterimen tasymaldaýdyń qaýipsizdigin jaqsartý jáne avtokólik jáne temirjol kólikterimen halyqaralyq tasymaldy jeńildetý» taqyrybyn arqaý etken EQYU-nyń XVIII Ekonomıka-ekologııalyq forýmyna ekinshi daıyndyq konferentsııasynyń jumysy aıaqtaldy, dep habarlady Qazaqstannyń Belarýs Respýblıkasyndaǵy Elshiliginen.
Qazaqstan delegatsııasynyń jetekshisi, kólik vıtse-mınıstri Azat Bekturov konferentsııa jumysyn qorytyndylaǵan sózinde, talqylanyp otyrǵan máselelerdiń, Qazaqstannyń EQYU-ǵa tóraǵalyǵynyń aıasynda tasymal qaýipsizdiginiń jalpy qurylymyn nyǵaıtý jónindegi tuǵyrnama retinde qarastyrylyp otyrǵanyn atap kórsetti.
«Biz temirjol kóligine aktsent jasaı otyryp, alqaly talqylaý ótkizdik jáne kezdesýimizdi temirjol kóligine qoldaý kórsetý jáne EQYU keńistiginde senimdi jáne qaýipsiz temirjol kólik qatynasyna jaǵdaı jasaýǵa arnadyq», dep atap kórsetti vıtse-mınıstr óz sózinde.
Azat Bekturov sondaı-aq bul konferentsııanyń aǵymdaǵy jyldyń mamyr aıynda Pragada ótetin EQYU-nyń XVIII Ekonomıkalyq-ekologııalyq forýmynda talqylanatyn ózekti máseleler boıynsha pikir almasýdyń kezekti mańyzdy kezeńi bolǵanyna senim bildirdi.
