Mınskide dıplomatııalyq korpýs ókilderi Belarýstyń ıadrolyq-energetıkalyq baǵdarlamasynyń júzege asyrylý sebepterimen tanystyryldy
MINSK. 7 sáýir. QazAqparat /Aıtýar Mamlın/ - Sársenbi kúni Belarýs Respýblıkasynyń Syrtqy ister mınıstrliginde elde tirkelgen dıplomatııalyq jáne konsýldyq korpýs úshin brıfıng ótkizildi.
Shara «Belarýs Respýblıkasyna arnalǵan ıadrolyq energetıka: aqıqat jáne perspektıva» taqyrybyna arnaldy, dep habarlady vedomstvonyń baspasóz qyzmetinen.
Brıfıng barysynda memlekettik organ ókilderi ıadrolyq energetıkany zertteý jáne paıdalanýdaǵy qordalanǵan tájirıbeleri týraly áńgimelep berdi. Dıplomatııalyq jáne konsýldyq korpýs ókilderi ıadrolyq-energetıkalyq baǵdarlamasynyń júzege asyrylý sebepterimen, onyń Belarýs Respýblıkasynyń ekonomıkasy úshin mańyzymen jáne atom stansasyn salý boıynsha Reseı Federatsııasymen qol jetkizilgen kelisimniń mazmunymen egjeı-tegjeı tanystyryp ótti. Belarýs tarapy sondaı-aq Ekspo Konventsııasy boıynsha mindettemelerdiń oryndalý barysy jaıly, Belarýs atom-elektr stansasyndaǵy qaýipsizdikti qamtamasyz etý úshin qabyldanyp jatqan sharalar týraly habardar etti.
Şaraǵa Belarýs Respýblıkasynyń energetıka, tabıǵı resýrstar jáne qorshaǵan ortany qorǵaý vedomstvolarynyń jáne Tótenshe jaǵdaılar mınıstrliginiń ıadrolyq jáne radıatsııalyq qaýipsizdik jónindegi departamentiniń ókilderi, sondaı-aq «Atom elektr-stansasy qurylysynyń dırektsııasy» memlekettik mekemesi men Belarýs Ulttyq ǵylym akademııasynyń Energetıkalyq jáne ıadrolyq zertteýler birlesken ınstıtýtynyń ókilderi qatysty.
