Mınskide UQShU sammıti bastaldy
Mınskidegi Táýelsizdik saraıynda Ujymdyq qaýipsizdik týraly shart uıymynyń sammıti bastaldy. Kazinform bul týraly BELTA agenttigine silteme jasap habarlaıdy.
Saltanatty rásim zalynda Belarýs prezıdenti Aleksandr Lýkashenko sammıtke kelgen el kóshbasshylaryn qarsy aldy. Olar – Reseı, Qazaqstan, Tájikstan men Qyrǵyzstan prezıdentteri. Memleket basshylary birge sýretke túskennen keıin Aleksandr Lýkashenkonyń tóraǵalyǵymen UQShU Ujymdyq qaýipsizdik keńesiniń sessııasyn ótkizedi.
Mınskidegi sammıtke UQShU-ǵa múshe elder kóshbasshylarynyń ishinde Armenııa premer-mınıstri Nıkol Pashınıan ǵana kelmedi. Bul týraly erterek habarlanǵan bolatyn. Armıan kóshbasshysynyń ıntegratsııalyq is-sharalarǵa qatysýdan bas tartyp otyrǵany birinshi ret emes. Qazanda ol Bishkektegi TMD sammıtine de qatysqan joq.
Memleket basshylary shaǵyn quramda halyqaralyq jáne óńirlik qaýipsizdiktiń ózekti máselelerin talqylap, sessııaaralyq kezeńde UQShU qyzmetiniń qorytyndysyn jasaıdy. Prezıdentter UQShU bas hatshysynyń aqparatyn tyńdap, pikir almasady.
Plenarlyq otyrys kezinde Qazaqstan Prezıdenti Qasym-Jomart Toqaev sóz sóıleıdi dep josparlanǵan. Ol óz eli UQShU-ǵa tóraǵa bolǵan kezde negizinen qandaı baǵyttar boıynsha jumys júrgiziletinin baıandaıdy.
Sammıt sońynda prezıdentter UQShU Ujymdyq qaýipsizdik keńesi deklaratsııasyna qol qoıady. Qol qoıylatyn qujattar qatarynda UQK-niń daǵdarys kezinde áreket etý júıesin damytýǵa, Uıymnyń birlesken baspasóz ortalyǵynyń jumysyna, «Vmeste k mırý» medalin, UQShU bıýdjetin bekitýge qatysty sheshimder bar.
Sondaı-aq memleket basshylary UQShU Birikken shtabynyń basshysy qyzmetine qatysty, Birikken shtab qurylymy, Hatshylyqtaǵy kvotalyq qyzmetterdi bólý, UQShU marapattary, uıymdaǵy tóraǵalyq, UQK kezekti sessııasy ótetin ýaqyt pen orynǵa qatysty sheshim qabyldaıdy.
QR Prezıdenti Qasym-Jomart Toqaev Mınskidegi Táýelsizdik saraıyna jetkenin eske sala keteıik. Memleket basshysyn Belarýs prezıdenti Aleksandr Lýkashenko kútip aldy.
