Mınskide ótken sammıtte bırjalar arasyndaǵy áriptestik pen tsıfrlyq sheshimder talqylandy

ASTANA. KAZINFORM – Mınskide Halyqaralyq bırjalar qaýymdastyǵy (HBQ) men Belarýs ámbebap taýar bırjasynyń mereıtoılaryna arnalǵan jıyn ótti. 

Saltanatty shara men iskerlik jıynǵa qazaqstandyq taýar bırjasy delegatsııasy da qatysty.

HBQ – TMD, Ortalyq Azııa jáne taıaý shet elderdiń jetekshi taýar, valıýta jáne qor bırjalaryn biriktiretin bedeldi óńirlik platforma.

Qaýymdastyqtyń jyl saıynǵy jınalysy bırjalyq naryqtardaǵy ózekti syn-qaterler men trendterdi talqylaýǵa arnalǵan alańǵa aınaldy. Sessııaǵa qatysýshylar bırjalardyń qazirgi ekonomıkalyq jaǵdaılarǵa qalaı beıimdeletinin, qandaı sheshimder taýar naryqtarynyń tıimdi, turaqty jáne ashyq jumys isteýine múmkindik beretinin jáne búgingi tańda qor jáne valıýta bırjalyq júıeleri qaı baǵytta júretinin talqylady.

Qazaqstandyq «Kaspıı» bırjasy is-sharaǵa qatysýshylarǵa saýda-sattyq kólemi, engizilgen IT-sheshimder jáne ınfraqurylymdy damytý jónindegi derekterdi qosa alǵanda, 2024 jylǵy qyzmet nátıjeleri týraly esepti usyndy. Prezentatsııa saýda rásimderin tsıfrlandyrý, mámilelerdiń ashyqtyǵy jáne ádil básekelestikti qoldaý boıynsha sheshimderge sholýdy qamtydy.

Sapar aıasynda bırjalar arasyndaǵy yntymaqtastyqty nyǵaıtýǵa erekshe nazar aýdaryldy. 

Aıta keteıik, Joǵarǵy sot «Eýrazııalyq saýda júıesi» taýar bırjasy jeńip alǵan tenderdi zańsyz dep tanydy.