Mınskide Ortalyq Azııada teńdesi joq qazaqstandyq rels bekitkish óndirisi kórsetildi

MINSK. KAZINFORM — Mınskide «INNOPROM. Belarýs» kórmesindegi Qazaqstan pavılony Ortalyq Azııadaǵy rels bekitkishteriniń tolyq keshenin shyǵaratyn jalǵyz óndiris ornyn usyndy. Bul týraly Úkimettiń baspasóz qyzmeti habarlady. 

Joba Qazaqstan Prezıdentiniń elimizdiń ónerkásiptik áleýetin damytý jáne tsıfrlandyrý jónindegi tapsyrmalary sheńberinde júzege asyryldy.

Bólshekterdi óndirýmeni «Bent» ónerkásiptik kompanııalar toby aınalysady. Jańa óndiris ornyn qurý otandyq temirjol salasyn buryn shetelden jetkizilgen strategııalyq mańyzdy komponenttermen tolyq qamtamasyz etýge múmkindik berdi. Quramdas bólikter qazirdiń ózinde Qazaqstan, Qyrǵyzstan, Ózbekstan jáne Reseıdegi temirjol jelilerin salýda belsendi túrde qoldanylýda. Qazirgi ýaqytta Túrikmenstan jáne Iranmen kelissózder júrgizilip jatyr.

— Biz Ortalyq Azııadaǵy tolyq jıyntyqtyń, ıaǵnı rels bekitkishiniń barlyq bes quramdas bóligin shyǵaratyn jalǵyz óndirýshimiz. Olar robottandyrylǵan jelini qoldaný arqyly shyǵarylady. Ol ótken jyly, óndiris orny ashylǵannan soń úsh aıdan keıin iske qosyldy, — dedi kompanııa dırektory Dinmuhamed Kýzıev. 

Sonymen qatar kórmede jasandy ıntellektimen jabdyqtalǵan qazaqstandyq «aqyldy kaska» tanystyrylǵan edi.