Mınsk TMD-nyń velosıpedshilerge qolaıly qalalar úshtigine endi

MINSK. BELTA – QazAqparat – Mınsk TMD-nyń velosıpedshilerge qolaıly qalalar úshtigine endi, dep habarlaıdy QazAqparat BELTA-ǵa silteme jasap.

Tizim BUU Bas Assambleıasynyń sheshimimen bekitilgen 3 maýsym - Búkilálemdik velosıped kúnine oraı daıyndaldy. Tizimniń alǵashqy úshtigine Máskeý, Sankt-Peterbýrg jáne Mınsk qalalary engen. Ári qaraı Qazan, Ekaterınbýrg, Kalınıngrad, Samara, Voronej, Tómengi Novgorod jáne Sochı qalalary ornalasqan.

Reıtıng qalalyq velosıped joldary men jolaqtarynyń uzyndyqtaryn, sondaı-aq velosıped baǵdarlary men velostantsııalardaǵy velosıpedter sanyn zertteý nátıjeleri boıynsha jasalǵan.