Mınsk metrosynda bolǵan lańkestik árekettiń izi ashyldy
MINSK. 13 sáýir. QazAqparat /Aıtýar Mamlın/ - Mınsk metrosynda bolǵan lańkestik árekettiń izi ashyldy, qylmyskerler qolǵa tústi.
Bul týraly metrodaǵy lańkestikti tergeý barysy týraly ótken keńeste Belarýs PrezıdentiAleksandr Lýkashenko málim etti, dep habarlaıdy onyń baspasóz qyzmeti.
«Búgin tańǵy saǵat 5-te qylmys anyqtaldy. Keshe keshki 9-da tamasha operatsııany oryndaý úshin mılıtsııaǵa bir táýlik ýaqyt jetkilikti boldy, olar shýsyz, atys-shabyssyz jáne jarylyssyz osy lańkestik oqıǵany oryndaǵandardy tapty. Búgin tańǵy saǵat 5-te olar jaýap berdi. Eń bastysy biz bul lańkestikti kim jáne qalaı jasaǵanyn bilemiz. Ázirge ne úshin jasalǵandyǵy belgisiz, alaıda bul da jaqyn arada anyqtalatyn bolady. Bul - bizdiń búgingi eń basty mindetimiz», - dedi A.Lýkashenko.
Jergilikti BAQ-tyń habarlaýynsha, Mınsk metrosyndaǵy jarylys jasady degen qylmystyq is boıynsha qolǵa túsken eki adam oblys ortalyqtarynyń birinde dúnıege kelgen Belarýs eliniń azamttary bolyp tabylady, olarǵa qatysty tergeý amaldary júrgizilip jatyr, qorǵaýshylardyń qatysýymen alǵashqy jaýap ta alynǵan.
