Mınsk metrosyn jarǵan lańkes Lýkashenkodan ózine raqymshylyq jasaýdy suraıdy
ASTANA. 9 jeltoqsan. QazAqparat - Mınsk lańkesteriniń biri prezıdent Lýkashenkoǵa ózine raqymshylyq jasaýdy surap, hat jazdy. Bul týraly ózin áli de kináli dep eseptemeıtin sottalǵannyń anasy Vladıslava Kovaleva málim etti.
Esterińizge sala keteıik, 30 qarasha kúni Mınsk metropolıteninde lańkestik jasaý boıynsha aıyptalǵan Dmıtrıı Konovalov pen Vladıslav Kovalev jazanyń eń aýyr túri - atýǵa kesildi. 11 sáýir kúni Mınsk qalasy metrosynyń "Oktıabrskaıa" stansasynda bolǵan jarylys saldarynan 15 adam qaza taýyp, 200-den astamy aýrýhanaǵa jetkizilgen bolatyn.
