Mınsk metrosyn jarǵan aıyptalýshy óz kinásin moıyndady
ASTANA. 16 qyrkúıek. QazAqparat - Mınskiniń «Oktıabrskaıa» metrosynda lańkestik uıymdastyrǵany úshin aıyptalǵan Dmıtrıı Konovalov sotta óz kinásin moıyndady, dep jazady «Gazeta.ru».
«Metro jarylysyndaǵy óz kinámdi moıyndaımyn», - dedi Konovalov sýdıanyń suraqtaryna jaýap bere otyryp.
Sottalýshylar ornynda ekinshi aıyptalýshy Vladıslav Kovalev te bar. Ekeýi de lańkestik oryn alǵannan keıin kelesi kúni ustalǵan bolatyn.
Tergeýshiler málimetteri boıynsha, Konovalov lańkestik qadamǵa mas kúıinde barǵan. Sondaı-aq 2005 jyly Vıtebsk ashanasynda lańkestik uıymdastyrǵan da Konovalov bolyp shyqty.
Esterińizge sala keteıik, jarylys 11 sáýirde Mınskiniń «Oktıabrskaıa» metrosy stansasynda jarylys boldy. Onda 15 adam qaza bolyp, eki júzge tarta adam zardap shekti.
