Mınsk metrosy jarylys qaýpinen tolyq jabyldy
ASTANA. QazAqparat - Belarýs astanasynda metro tolyq jabyldy. Barlyq jolaýshylar birneshe stansada kúdikti zat tabylýy týraly habarlamaǵa sáıkes kóshirildi, dep habarlady RBK Mınsk metropolıteniniń basshysy qabyldaý bólmesiniń hatshysy Olga Shaıbakqa silteme jasap.
Qazir metroda tekserý jumystary júrgizilip jatyr, onda mılıtsııa, kınologtar jáne TJM ókilderi jumys isteýde. «Aýmaqty jedel tekserý maqsatynda aldyn alý sharalaryn júrgizý úshin stansalardy jabý jóninde sheshim qabyldandy. Metro jaqyn arada óz jumysyn qaıtadan qalpyna keltiredi dep senemin», - dep jazdy Mınsk qalalyq atqarý komıtetiniń QІІB baspasóz hatshysy Aleksandr Lastovskıı Facebook-tegi paraqshasynda.
T Twitter paıdalanýshylary qala kóligindegi tótenshe oqıǵa týraly jarysa jazýda. Belarýs TJM metrodaǵy oqıǵa týraly eshqandaı aqparat túspegenin málimdeýde. Metropolıtenniń qashan óz jumysyn qalpyna keltiretini belgisiz.
