Mınsk mańynda avtobýs aýdarylyp, 12 adam jaraqattandy
ASTANA. 15 qańtar. QazAqparat - Belarýs elinde týrıstik avtobýs aýdaryldy.
Bul týraly RBK habarlaıdy.
Oqıǵa Papernıa aýylyna jaqyn ornalasqan Mınsk-Mıadel kúre jolynda oryn aldy, dep habarlady jýrnalısterge Belarýs TJM-niń baspasóz hatshysy Vıtalıı Novıtskıı.
Onyń sózine qaraǵanda, Mınskige bara jatqan avtobýs jyraǵa aýdarylyp ketken. Avtobýstyń ishinde 44 adam bolǵan. Baqytqa oraı, qaza tapqandar joq, alaıda 12 adam jaraqattandy. Olar aýrýhanaǵa jetkizilgen. Oqıǵa bolǵan jerge avtobýsty jyradan shyǵaryp alý úshin arnaıy tehnıka jiberildi.
Aldyn ala jasalǵan boljam boıynsha, apat aýa raıynyń qolaısyzdyǵynan bolǵan. Bul elde qazirgi ýaqytta qar jaýyp, kóktaıǵaq bolyp tur.
