Mınsk qalasynda Abaı Qunanbaıulyna arnalǵan kórme ashyldy
ASTANA. KAZINFORM – Mınsk qalasyndaǵy (Belarýs Respýblıkasy) ıAnka Kýpala atyndaǵy Memlekettik ádebı mýzeıinde Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵynyń arnaıy kórmesi ashyldy.
Kórme QR Mádenıet jáne aqparat mınıstrliginiń qoldaýymen Abaı Qunanbaıulynyń týǵanyna 180 jyl tolýyna oraı uıymdastyryldy.
Mádenıet jáne aqparat mınıstrligi baspasóz qyzmeti málimetinshe, ekspozıtsııada Abaıdyń túpnusqa shyǵarmalary, turmystyq zattary jáne aqynnyń rýhanı jáne shyǵarmashylyq murasyna baılanysty jádigerler qoıylǵan. Kórmeniń ashylýyna Qazaqstan Respýblıkasynyń Belarýs Respýblıkasyndaǵy Tótenshe jáne Ókiletti Elshisi Tımýr Jaqsylyqov, Belarýs Respýblıkasy Mádenıet mınıstriniń birinshi orynbasary Dmıtrıı Shlıahtın, sondaı-aq birqatar memleketterdiń elshileri men qyzmetkerleri qatysty.
Іs-shara barysynda jazýshy, Muhtar Áýezovtiń «Abaı joly» roman-epopeıasyn aýdarǵan Mıhaıl Pozdnıakov mýzeıge arnaıy belarýs tilindegi nusqasyn tabystady.
Bul kórme Qazaqstan men Belarýs arasyndaǵy mádenı yntymaqtastyqtyń mańyzdy oqıǵasyna aınalyp, uly oıshyldyń rýhanı murasyn nasıhattaýǵa jáne halyqtar arasyndaǵy mádenı baılanysty nyǵaıtýǵa baǵyttaldy.
Ekspozıtsııa bir aı boıy jumys isteıdi.
Aıta keteıik, Qyrǵyzstanda Abaı Qunanbaıulynyń qurmetine kóshe ataýy berilip, eskertkish ornatylady.