Mınsk halyqaralyq kitap kórmesinde Qazaqstan pavılony uıymdastyryldy
Atalmysh shara 18-21 aqpan aralyǵyna josparlanǵan jáne onyń aıasynda Qazaqstan pavılony uıymdastyryldy, dep habarlaıdy QazAqparat Qazaqstannyń Belarýs elindegi elshiliginiń baspasóz qyzmetine silteme jasap.
Bapasóz qyzmetiniń málimetterine qaraǵanda, atalmysh sharany Nur-Sultan qalasyndaǵy QR Ulttyq akademııalyq kitaphana QR Mádenıet jáne sport mınıstrliginiń qoldaýymen Qazaqstan Respýblıkasynyń Belarýs Respýblıkasyndaǵy elshiligimen birlesip uıymastyrdy.
«2021 jyly Táýelsiz Memleketter Dostastyǵynyń qurylǵanyna 30 jyl tolady. Belarýs Respýblıkasy – osy jyly TMD-ǵa tóraǵalyq etýshi memleket. Sol sebepti, HVІІІ Mınsk halyqaralyq kitap kórme-jármeńkesiniń Ortalyq eksponenti - Táýelsiz Memleketter Dostastyǵyn jarııalaýǵa bastama boldy»,-delingen habarlamada.
Ortalyq eksponent – Táýelsiz Memleketter Dostastyǵy – Belarýs ulttyq alańyn qurý tujyrymdamasyn aldyn ala anyqtady. Al, kórmeniń uranyn - «Barsha adamzatty biriktirýshi qural – kitap» dep qabyldady.
Atalmysh kórmede Qazaqstandyq delegatsııany Nur-sultan qalasyndaǵy QR Ulttyq akademııalyq kitaphanasy, Qazaqstannyń óńirlik kitaphanalary jeke ekspozıtsııalyq alańda qazaq ádebıeti men mádenıetin nasıhattaıdy.
Kórmede Qazaqstan Respýblıkasynyń táýelsizdiginiń 30 jyldyǵy, elimizdiń mereıtoıyna arnalyp jazylǵan kitaptar, QR Tuńǵysh Prezıdenti, Elbasy N.Á.Nazarbaev, QR Prezıdenti Q.K.Toqaev, tarıhı jáne muraǵattyq qujattar, zamanaýı basylymdar, sondaı-aq, 2021 jyldaǵy mereıtoılyq avtorlardyń kitaptary – Ybyraı Altynsarın, Jambyl Jabaev, Muqaǵalı Maqataev jáne basqa da avtorlardyń qazaq halqynyń ádebıetin ár qyrynan ashatyn kitaptary qoıylady.
«Eldik ekspozıtsııa Qazaqstan Táýelsizdiginiń 30 jyldyǵyna arnalǵan jáne birqatar qazaqstandyq uıymdardyń kúshimen daıynaldy. Stendtiń qalyptasýyna QR Kitap palatasy men Qazaqstan Jazýshylar Odaǵy yqpal etti», - dep habarlady Qazaqstannyń Belarýs Respýblıkasyndaǵy elshiligi.
Atap aıtsaq, Qazaqstan delegatsııasyn Nur-sultan qalasyndaǵy Qazaqstan Respýblıkasy Ulttyq Akademııalyq kitaphanasynyń basshysy Úmithan Muńalbaeva basqarady.
Kórme aıasynda Qazaqstannyń negizgi ekspozıtsııasynyń, el óńirlerinde shyǵarylatyn kitap ónimderiniń, qazirgi zamannyń aıtýly folıanttary men ádebı jobalardyń tusaýkeseri ótti.
