Mınsk Bishkekke Q. Bakıevti ekstradıtsııalaýdan bas tartty
BІShKEK. QazAqparat - Belarýs bıligi Qyrǵyzstanǵa qyrǵyz sot organdary syrttaı sottaǵan burynǵy el prezıdenti Qurmanbek Bakıevti, onyń sybaılastaryn qaıtarý talaptaryn oryndamaı, bas tartty.
Belarýs prokýratýrasy ókilderiniń aıtýynsha, Qurmanbek Bakıev Belarýs azamattyǵyn alǵandyqtan, ony qyrǵyz tarapyna ekstradıtsııalaı almaıdy.
«Qurmanbek Salıuly Bakıev - Belarýs azamaty. Álemdik praktıkada qabyldanǵandaı, Belarýs óz azamattaryn basqa elge bermeıdi», - dep málimdedi BR prokýratýrasynda.
Budan basqa, qyrǵyz tarapy mundaı saýaldy birneshe ret jiberip, olardyń bas tartqanyn atap ótedi.
Qyrǵyz Respýblıkasy SІM derekterine súıensek, Bishkekte budan buryn eki eldiń konsýldyq qyzmetteri basshylarynyń kezdesýi barysynda qyrǵyz tarapy respýblıkada aýyr qylmysy úshin sottalǵan burynǵy prezıdent Bakıevti, onyń Belarýske kelgen sybaılastaryn ekstradıtsııalaý taqyrybyn qaıta kótergen bolatyn.
Osy másele jóninde ózara túsinistiktiń bolmaýy tyǵyz memleketaralyq ıntegratsııalanýǵa kedergi keltirip otyrǵan faktorlardyń biri bolyp tabylady.
