Mınsk áýejaıynda josyqsyz qaljyńdaǵan reseılik áıel qamaýǵa alyndy
ASTANA. QazAqparat - Mınsk ulttyq áýejaıynda orynsyz qaljyńdaǵan reseılik áıel qamaýǵa alyndy. Bul týraly Belarýs tergeý komıtetiniń resmı ókili ıÝlııa Goncharova Facebook paraqshasynda jarııalady, dep habarlaıdy BELTA.
«Tergeý qyzmeti prokýrorǵa Reseı azamatshasynyń Belarýs Respýblıkasy aýmaǵynda turǵylyqty jeri bolmaǵandyqtan, ony qamaýǵa alý sharasyn qoldaný týraly ótinish berdi. Shara qoldanyldy - azamatsha qamaýǵa alyndy», - delingen habarlamada.
8 shilde kúni 1978 jyly týǵan jumyssyz Reseı azamatshasy Mınsk ulttyq áýejaıynan Máskeýge ushýy tıis bolǵan. Ushý aldyndaǵy tekserý pýnktinde áýe qaýipsizdigi qyzmetiniń ınspektoryna mende jarylǵysh zat bar dep qaljyńdaǵan. Qaljyń sońy jolaýshyǵa qatysty qylmystyq is qozǵaýmen aıaqtaldy.
