14:30, 09 Qańtar 2020 | GMT +5
Mınsk-Aqtaý áýe baǵyty ashylady
AQTAÝ. QazAqparat – Mınsk-Aqtaý áýe baǵyty ashylady. Qazirgi ýaqytta Belarýstiń «Belavıa» kompanııasy bıletterdi satylymǵa shyǵarǵan,-dep habarlaıdy Qazaqparat tilshisi.

Bıletterdi qazirden bastap «bbelavia.by» saıtynan satyp alýǵa bolady. Alaıda, tek 2020 jyldyń 2 shildesinen bastap ushýǵa bolady. Bul týraly Belarýs kompanııasy Feısbýk paraqshasynda jarııalaǵan.
Mınskten Aqtaý halyqaralyq áýejaıyna ushaqtar aptanyń seısenbi, juma, jeksenbi kúnderi saǵat keshki 22:15-te ushady. Al, keri Mınskige dúısenbi, sársenbi, senbi kúnderi saǵat 04.30-da qatynaıdy. Jolǵa 3 saǵat 20 mınýt ketedi.
Jolaqy quny bir baǵytqa - 145 evro (tarıf «Light»), eki baǵytqa 240 evrodan (tarıf «Light») bastalady.