Mınsk 2016 jyly Eýropalyq olımpıadalyq komıtetter bas assambleıasyn qabyldaıdy
ASTANA. QazAqparat - Eýropalyq olımpıadalyq komıtetter (EOK) Bas assambleıasy 2016 jyly Belarýste ótedi, dep habarlady TASS.
Bul týraly sheshim senbi kúni Pragada Eýropa elderi elý ulttyq olımpıada komıtetteri ókilderiniń daýys berýi qorytyndysy boıynsha qabyldandy, dep habarlady respýblıkanyń Ulttyq olımpıada komıteti. EOK kezekti bas Assambleıasyn ótkizýge sondaı-aq Armenııa, Malta, Makedonııa elderi úmitker bolǵan edi.
«Qandaı da shekteýlerge qaramastan, biz árqashanda Eýropamen, álemdik sport saıasatymen birge boldyq, - dep atap ótti Belarýs UOK brinshi vıtse-prezıdenti Maksım Ryjenkov. «Aldaǵy forým aıasynda, dep atap kórsetti ol, - Belarýs ózin serpindi damyp otyrǵan el retinde kórsetýi jáne halyqaralyq sport qoǵamdastyǵyn eń joǵary deńgeıdegi sporttyq sharalardy ótkizýge ázir ekenine sendirýi mańyzdy». Kelesi jyly EOK bas assambleıasyn ótkizý respýblıkanyń «olımpıadalyq murattardy, salaýatty ómir saltyn nasıhattaýǵa, dene shynyqtyrý men sportty damytýǵa birinshi kezekte kóńil bóletin el retinde áleýmettik badǵarlanǵan memleket» ımıdji men bedelin nyǵaıtýǵa múmkindik beredi», - dedi belarýs UOK ókili. Respýblıkalyq UOK ókili kelesi jyly Mınskige Halyqaralyq olımpıada komıtetiniń prezıdenti Tomas Bahtyń sapary josparlanyp otyrǵanyn aıtty. «Ol (HOK prezıdenti) óziniń jumys kesetesinen tys ýaqytta Belarýsqa kelýge ýaqyt tabatynyn málimdedi».
Keıbir málińmetter boıygsha, Tomas Bah Mınskide bolǵan kezinde ózi Olımpıdalyq oıyndarda birge óner kórsetken ataqty belarýs semserlesýshileri Aleksandr Romankovpen jáne Elena Belovamen kezdespek. Sońǵy ret HOK prezıdenti Belarýsta 1997 jyly boldy, ol kezde Mınskige Hýan Antonıo Samaranch kelgen bolatyn.
