Mınnesota zań shyǵarýshysy shabýyldan qaza taýyp, shtat senatory jaraqat aldy
ASTANA. KAZINFORM – Polıtseıdiń atyn jamylǵan, qarýly, betperde kıgen adam Mınnesota shtatynyń zań shyǵarýshysy men onyń kúıeýine oq atty, sondaı-aq senbi kúni tańerteń senator men onyń áıeline eki ret qasaqana shabýyl jasap, jaraqattady, dep habarlaıdy ABC News.
Óltirilgen zań shyǵarýshy Demokratııalyq partııanyń ókili Melıssa Hartman bolatyn. Ol kúıeýi Mark ekeýi úıinde atyp óltirildi.
Sol kúni shtattyń demokratııalyq senatory Djon Hoffman men onyń áıeli Ivett túngi saǵat 2-de úıinde oq jaraqatyn alyp, ekeýi de aýrýhanaǵa tústi.
Oq atqan kúdikti 57 jastaǵy Vens Bolter ekeni anyqtaldy, ol qazir jasyrynyp júr. Bolter Goffmanmen birge jumys kúshin damytý jónindegi memlekettik keńeste jumys istegen.
Bolter sonymen qatar «Praetorian Guard Security Services» dep atalatyn jeke kúzet fırmasyn basqarýǵa kómektesken. Internettegi ómirbaıanǵa sáıkes, ol qaýipsizdik pen áskerı daıyndyqtaǵy úlken tájirıbesimen maqtanady.
Polıtsııanyń málimetinshe, kúdiktiniń Hortmannyń úıinen polıtsııa qyzmetkeri retinde kıinip, quraldaryn alyp shyqqany anyqtaldy. Qarýly adam lateks maskasyn kıip alǵan.
Onyń kóligi polıtsııa kóligine uqsaıdy, jarqyraǵan shamdary men arnaıy sıgnaly bar.
Kúdikti polıtsııa qyzmetkerlerine oq jaýdyryp, atys kezinde jaıaý qashyp úlgergen.
Polıtsııanyń málimetinshe, Bolterde Mınnesota shtatynyń ondaǵan demokratynyń esimi jazylǵan tizim bolǵan. Olardyń arasynda gýbernator Tıma Ýolz, AQSh Ókilder palatasynyń múshesi Ilhan Omar, AQSh senatory Tına Smıt jáne shtattyń Bas prokýrory Kıta Ellıson bar. Sondaı-aq abort provaıderleri men qozǵalys belsendileriniń esimi bar.
Polıtsııa atalǵan adamdardy qorǵaý úshin qaýipsizdik kúshteri jiberilgenin habarlady.
AQSh prezıdenti Donald Tramp atys týraly habardar boldy jáne «mundaı qorqynyshty zorlyq-zombylyqqa jol berilmeıdi» dep málimdedi, - dep jazdy Aq úıdiń baspasóz hatshysy Kerolaın Lıvıtt áleýmettik jelide.
Kúdiktini izdeý jumystary júrgizilip jatyr. Polıtsııa turǵyndardy saq bolýǵa shaqyrdy jáne polıtsııa qyzmetkeri úıine kelse, 911 nómirine qońyraý shalýǵa keńes berdi.
- Polıtsııa sizden jalǵyz polıtsııa qyzmetkerine esik ashpaýyńyzdy suraıdy. Lıtsenzııasy bar ofıtserler juppen jumys isteıdi, - dedi Hennepın okrýginiń sherıf keńsesi.
Aıta keteıik, Vashıngtonda áskerı sherý ótti.