Mınıstrmen kezdesýde múmkindigi shekteýli jandardy jumyspen qamtý máselesi sóz boldy - Almaty
Basqosýda múmkindigi shekteýli jandardy qoǵamǵa beıimdeý, olardy jumyspen qamtý máseleleri sóz boldy, dep habarlaıdy 24.kz.
Jınalǵandardyń aıtýynsha, búgingi tańda elimizde 570 myńdaı múgedek bar. Olardyń 370 myńy eńbekke qabiletti. Alaıda bul sanattaǵy jandardyń júrip-turýyna, eńbek etýine elimizde tolyqqandy jaǵdaı jasalmaı otyr. Osy rette QR Eńbek jáne halyqty áleýmettik qorǵaý mınıstri «Múgedekter quqyqtary týraly» konventsııany ratıfıkatsııalaýǵa qajetti alǵysharttardy júzege asyrý úshin 2012-2018 jyldarǵa arnalǵan jumys jospary bekitilgenin jetkizdi. Onda múgedekterdiń ómir súrý jaǵdaıyn jaqsartýǵa baǵyttalǵan sharalar qarastyrylǵan. Búginde zań aktilerin saraptaý, áleýmettik jáne kóliktik nysandardy halyqaralyq talaptarǵa sáıkestendirý jumystary júrgizilip jatyr. Serik Ábdenovtyń aıtýynsha, ókinishke oraı, elimizde múgedekterdiń júrip turýy úshin qajetti pandýs syndy qondyrǵylar talaptarǵa saı kelmeıdi. Ári kóptegen mekemelerde olardyń eńbek etýi úshin jaǵdaı jasalmaǵan.
- Mysaly, jumyspen qamtý máselesi boıynsha standarttar kerek. Óıtkeni qazir 3%-dyq kvota belgilengen, biraq ókinishke oraı, ol oryndalmaıdy. Keıbir jumys berýshiler jumys ornyn uıymdastyrady, jumyspen qamtıdy, al keıbir jumys berýshiler oǵan kózqarasy basqasha,- deıdi QR Eńbek jáne halyqty áleýmettik qorǵaý mınıstri.