ІІM tekserisinen keıin Atyraýdaǵy polıtsııa departamentinde birneshe basshy qyzmetinen ketti
ATYRAÝ. KAZINFORM — QR Іshki ister mınıtstrligi Atyraý oblystyq polıtsııa departamentine tekseris júrgizip, birneshe bastyqty laýazymynan bosatty.
Mınıstrliktiń baspasóz qyzmeti bergen resmı aqparatqa súıensek, qyzmettik-áskerı tártiptiń óreskel buzylýy, tıisti baqylaý men jumysty uıymdastyrýdyń jetkiliksizdigi anyqtalýyna baılanysty Іshki ister mınıstriniń buıryǵymen Atyraý qalalyq Polıtsııa basqarmasynyń bastyǵy, sondaı-aq Atyraý oblysy Polıtsııa departamentiniń Ózindik qaýipsizdik basqarmasy men Esirtki quqyqbuzýshylyqtaryna qarsy is-qımyl basqarmasynyń basshylary atqaryp otyrǵan laýazymdarynan shettetildi.
— Buǵan deıin Іshki ister mınıstri birneshe ret atap ótkendeı, vedomstvoda zańdylyq pen qyzmettik tártipti qamtamasyz etý baǵytynda jumystar júrgizilip keledi jáne aldaǵy ýaqytta jalǵasyn tabady. Bul jumys júıeli ári dáıekti sıpatqa ıe, — dep málimdedi mınıstrliktiń baspasóz qyzmeti.
Buǵan deıin QR ІІM Esirtki qylmysy komıtetiniń tóraǵasy Danııar Meıirhanǵa qatysty protsessýaldyq tekseris júrgizilip jatqany týraly jazyp edik.
