Mınıstrlikterge lıtsenzııalardy sot sheshiminsiz qaıtaryp alý quqyǵy berilmek

ASTANA. KAZINFORM – Májilis birinshi oqylymda maquldaǵan Ákimshilik kodekske engiziletin ózgertýler jobasynda arnaıy ruqsattardy sot sheshiminsiz qaıtaryp alý tetigi qarastyrylǵan. BAQ ókilderiniń saýalyna jaýap bergen Ádilet mınıstri Azamat Esqaraev bul norma energetıka, jer qoınaýyn ıgerý salalaryna qatysty ekenin aıtty.

«Usynylyp otyrǵan ózgeris energetıka, jer qaınaýyn ıgerý salalaryn da qamtı ma? Sonda budan bulaı salalyq mınıstrlikter ózderi bergen lıtsenzııany sot sheshiminsiz-aq qaıtaryp ala ma?» - dep surady jýrnalıst.

Mınıstr zań jobasynda kózdelgen 62 baǵyttyń ishinde jýrnalıst ataǵan salalar da bar ekenin aıtty.

«Iá, ruqsattan aıyrý sharasyn sot quzyrynan ýákiletti organdarǵa berý ár túrli salada kózdelgen. Naqty aıtsaq, 62 quramnan turady. ıAǵnı, arnaıy quqyqtan aıyrý ýákileti memlekettik organdarǵa beriledi. Eger lıtsenzııa ıesi arnaıy ókiletti organnyń ol sheshimimen kelispese, sotqa júginip óz quqyǵyn qorǵaı alady. 

Mınıstrlikter sottyń sheshiminsiz lıtsenzııalardy toqtata alady. Biraq kelispese, sotqa shaǵymdanýǵa haqyly», - dedi Azamat Esqaraev.