Mınıstrlikter 30 mlrd teńgeni ıgerip úlgermeýi múmkin — Qarjy mınıstri

ASTANA. KAZINFORM — Qarjy mınıstri Mádı Takıev Úkimet otyrysynan keıin ótken baspasóz máslıhatynda respýblıkalyq bıýdjettiń ıgerilý qarqyny týraly málimet berdi. 

— Men sizge respýblıkalyq bıýdjettiń ıgerilý qarqyny týraly aıta alam. Biz 30 mlrd teńgege jýyq qarajat ıgerilmeı qalýy múmkin dep kútip otyrmyz. Ázirge kútip otyrmyz. Óıtkeni jyldyń aıaqtalýyna áli eki apta bar, — dedi Mádı Takıev.

Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylandy. 

Buǵan deıin Qazaqstanda bıýdjettik qarajatty tıimdi paıdalaný úshin 1,5 trln teńge únemdelgenin jazǵan edik.

Qarjy mınıstrligi Іshki memlekettik aýdıt komıtetiniń tóraǵasy Erjan Myńjasarovtyń aıtýynsha, 2024-26 jyldarǵa arnalǵan respýblıkalyq bıýdjet boıynsha 23 ortalyq organnyń ótinishi qaralyp, olardyń jartysynan kóbinde kemshilikter anyqtalǵan.

— Onlaın bıýdjettik monıtorıng ınstıtýty 2026–2028 jyldarǵa arnalǵan bıýdjettik qarajatty shamadan tys jáne negizsiz josparlaý faktilerin anyqtap, toqtatýǵa múmkindik berdi. Bul jalpy 1,5 trln teńgege deıingi somany qamtıdy, — degen edi Erjan Myńjasarov.