Mınıstrlik Zoom-nyń balamasy – Qosyl jobasyn ázirledi
Tsıfrlyq damý, ınnovatsııalar jáne aeroǵarysh ónerkásibi mınıstrligi Telekommýnıkatsııa komıteti men «Ulttyq aqparattyq tehnologııalar» AQ bastamasymen onlaın rejımde jıyndar ótkizýge arnalǵan Qosyl jobasyn ázirledi, dep habarlaıdy Kazinform mınıstrliktiń baspasóz qyzmetine silteme jasap.
Mınıstrlik 2023 jyldyń qyrkúıegine deıin Ortalyq jáne jergilikti atqarýshy organdarda ashyq jıyndar ótkizý úshin atalǵan júıeni pılottyq rejımde iske qosýdy usyndy.
Baǵdarlamany pılottyq rejımde iske qosý sátti aıaqtalyp, búginde ortalyq memlekettik organdar onlaın-jıyndar ótkizý úshin otandyq jobany tıimdi paıdalanyp jatyr. Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın bul jobanyń memlekettik qyzmet salasyndaǵy mańyzdylyǵyn atap ótti.
«Búginde memlekettik organdar jıyndardy ótkizý úshin onlaın platformalardy belsendi paıdalanady.Bul memlekettik qyzmetshilerdiń ýaqytyn únemdeıdi. Osyǵan baılanysty Mınıstrlik «UAT» AQ-men birlesip otandyq baǵdarlamalyq júıeni ázirleý týraly sheshim qabyldady. Qosyl jobasy sátti jobalardyń birine aınaldy. Eń aldymen, jańa júıe keńesterdi qaýipsiz aqparattyq ortada ótkizýdi qamtamasyz etedi.Bul ásirese memlekettik organdar úshin mańyzdy. Sonymen qatar ol artyq resýrstardy qajet etpeıdi, bul ony qoldanýǵa yńǵaıly etedi», - dep atap ótti Baǵdat Mýsın.
Joba jetekshisi Nurıslan Isakovtyń aıtýynsha, atalmysh joba 2020 jyly iske asyryldy. Degenmen qandaı da bir aqaýlar bolmas úshin jáne tıisti synaqtardan ótý maqsatynda biraz ýaqyt qajet boldy.
«Bul joba 2020 jyly pandemııa kezinde iske asyryla bastady. Memlekettik organdar tarapynan sheteldik óndirýshilerge táýeldi bolmaıtyn jáne olardyń serverleri arqyly jumys istemeıtin onlaın-beınekonferentsııalar qurý boıynsha ótinishter tústi.Joba aqparattyq qaýipsizdik synaǵynan ótetin jáne bizdiń talaptarymyzǵa sáıkes keletin Qazaqstan serverlerinde jumys isteýi talap etildi. 2020 jyly birinshi nusqasy shyqqannan bastap búgingi kúnge deıin ónim únemi jańartylyp, damyp keledi. Biz tutynýshylarymyzdyń suranysy boıynsha únemi jańa tetikterdi iske qosyp, ónimniń tehnologııalyq bóligin jetildirip kelemiz. Sondaı-aq qazirgi nusqany shekteýsiz keńeıtýge jáne damytýǵa múmkindik bar», - deıdi Nurıslan Isakov.
Atalǵan platformanyń birqatar artyqshylyqtary bar. Qosyl júıesin kez kelgen uıymnyń ereksheligine beıimdeýge, basqa júıelermen biriktirýge, jańa múmkindikterdi jetildirýge bolady, ıaǵnı bul artyq shekteýlerdiń joqtyǵyn bildiredi. Sondaı-aq, bul júıede paıdalaný ýaqytynyń shegi joq ekenin atap ótken jón. Qosyl-dyń sheteldik platformalarmen salystyrǵanda basty erekshelikteriniń biri – aqparattyq qaýipsizdiktiń joǵary deńgeıi.
«Platforma aqparattyq qaýipsizdik talaptarynyń synaǵynan sátti ótti. Sondaı-aq serverler Qazaqstanda bolǵandyqtan, birde-bir medıa trafık shet el arqyly ótpeıdi. Sonymen qatar otandyq júıeni kez kelgen serverlerge ornalastyrýǵa bolady. ıAǵnı ol úshin mindetti túrde mamandandyrylǵan jabdyq qajet emes, qarapaıym serverlik qýattar da jetkilikti. Ekinshi másele, eger Zoom-men salystyrsaq, bizdiń júıeni paıdalaný óte ońaı jáne aqparattyq qaýipsizdik turǵysynan tıimdi. Tipti aqparattyq tehnologııadan habary az adamǵa ony basqa ónimdermen salystyrǵanda paıdalaný jeńilirek. Ol qosymshany júkteýdi qajet etpeıdi, kez-kelgen qurylǵydaǵy braýzer arqyly qosylýǵa bolady. Paıdalanýshy aty-jónin engizedi jáne tirkelse jetkilikti. Qalasańyz, qosymshany júkteı alasyz. 2023 jyly biz osy baǵdarlamany TsDIAÓM-de jarty jyl boıy pılottyq rejımde iske qosyp, paıdalanýshylardyń suranystary boıynsha keı tustaryn ózgerttik. Pılottyq nusqanyń qorytyndysy boıynsha jobany paıdalanýǵa berý týraly sheshim qabyldandy», - dep atap ótti Nurıslan Isakov.
2023 jylǵy qarashadan bastap Qosyl júıesi memlekettik organdarda paıdalaný úshin sátti iske qosyldy jáne resmı túrde engizildi. Bolashaqta osy ónimdi bilim berý sektorynda paıdalaný úshin beıimdeý josparlanyp otyr.
