Mınıstrlik sýǵa degen qajettiliktiń 28 paıyzyn qaıta paıdalaný tásili arqyly jappaqshy

ASTANA. KAZINFORM — Eldegi ónerkásip nysandary aldaǵy 7 jyldyń ishinde óz óndirisine qaıta paıdalanylatyn sýdy tutynýǵa kóshý kerek. Sý resýrstary jáne ırrıgatsııa mınıstrligi Jerasty sýlary departamentiniń dırektory Jaıyq Erikuly Sý kodeksi salanyń aldyna osyndaı mindet qoıatynyn aıtty. 

— Sý kodeksinde 7 jyl ishinde aınalymdy jáne qaıta sýmen jabdyqtaý júıelerine kezeń-kezeńimen kóshý boıynsha ónerkásiptik kásiporyndar úshin mindetti talap kózdelgen. Bul shara 2030 jylǵa qaraı sýdy qaıta paıdalaný úlesin qazirgi 13,1%-dan 28%-ǵa deıin ulǵaıtýǵa múmkindik beredi, — dedi departament basshysy ortalyq kommýnıkatsııalar qyzmetinde ótken baspasóz qyzmetinde ótken baspasóz máslıhatynda.

Sondaı-aq, ol mınıstrlik qyzmetkerleri 2 mln oqýshyǵa «Sýdy únemde — bolashaqty saqta» taqyrybymen jalpy respýblıkalyq ashyq sabaq ótkizgenin atap ótti. Osyǵan uqsas úgit-nasıhat sharalaryn ýnıversıtetter men kolledjderde ótkizý josparlanǵan.

Buǵan deıin eldegi sý únemdeý tehnologııalary paıdalanylatyn egis alqabynyń aýmaǵy 86% ulǵaıǵanyn jazǵan edik.