Mınıstrlik Ózbekstanda qazaqstandyq munaıdan áýe otyny óndirilgeni týraly aqparatty joqqa shyǵardy
ASTANA. KAZINFORM – QR Energetıka mınıstrligi Ózbekstandaǵy Ferǵana munaı óńdeý zaýytynda avıatsııalyq otyn óndirisi qazaqstandyq munaı arqyly júzege asyrylatyny týraly aqparatty resmı túrde joqqa shyǵardy.
Buǵan deıin birneshe BAQ Ózbekstan Ferǵana munaı óńdeý zaýytynda qazaqstandyq munaıdan avıakerosın óndirýdi qolǵa aldy degen aqparat taratqan bolatyn.
Mınıstrliktiń málimdeýinshe, «QazTransOıl» kompanııasy qazaqstandyq munaıdy Ferǵana munaı óńdeý zaýytyna jetkize bastady degen aqparat shyndyqqa sáıkes kelmeıdi. Qazirgi ýaqytta qazaqstandyq munaı magıstraldyq qubyr júıesi arqyly atalmysh zaýytqa tasymaldanbaıdy. Mınıstrlik BAQ pen halyqty tek resmı derekkózderge senýge shaqyrady.
Aıta keteıik, budan buryn Shymkentte munaı ónimderin urlaý shemasy áshkerelengenin jazǵan edik.