Mınıstrlik naýqastardy qyzylshadan emdeý tártibine qatysty túsinik berdi
ASTANA. KAZINFORM – QR Densaýlyq saqtaý mınıstrligi naýqastardy qyzylshadan emdeý jáne aýrýdyń taralýyna jol bermeý hattamasyna qatysty túsinik berdi.
«Ulttyq shuǵyl medıtsınany úılestirý ortalyǵy málimetine sáıkes, qyzylsha aýrýynyń órshýine baılanysty jáne juqpaly aýrýlardyń taralýyn boldyrmaý maqsatynda óńirlerdegi jedel medıtsınalyq járdem stantsııalarynyń barlyq qyzmetkeri shaqyrylǵan nysandarǵa maskamen barady. Bórtpe paıda bolǵannan keıin 5 kúnge deıin naýqas oqshaýlanýy tıis. Vaktsınatsııalanbaǵan ári naýqaspen baılanysta bolǵan adamdardy ınkýbatsııanyń 8-shi kúnnen 17 kúnge deıin, passıvti ımmýnızatsııamen qamtylǵandardy 21 kúnge deıin bólekteý eskerilgen», - delingen mınıstrliktiń Kazinform agenttigine bergen jaýabynda.
Sonymen qatar, epıdemııa oshaqtaryndaǵy 25 jasqa deıingi (vaktsınatsııalanbaǵan, egilgeni týraly derekter joq nemese bir dozamen egilgen) baılanysta bolǵan adamdardy ımmýnızatsııalaý tiri quramdastyrylǵan vaktsınamen, qyzylshaǵa qarsy tiri monovalentti vaktsınamen iske asyrylady.
«Qarsy kórsetkishter bolǵan jaǵdaıda, qyzylshaǵa qarsy arnaıy ımmýnoglobýlın engiziledi», - dep atalyp ótken vedomstvo aqparatynda.
