Mınıstrlik MÁMS shyǵyny boıynsha derekterdi jarııalaýdy qarastyryp otyr

ASTANA. KAZINFORM – Densaýlyq saqtaý mınıstrligi MÁMS qarajatynyń jumsalýy jáne medıtsınalyq uıymdardyń jumys kórsetkishteri týraly ashyq esepterdi iske qosýdy qarastyryp otyr. Derekter qoǵam úshin tolyq qoljetimdi bolýy múmkin. 

Qostanaı oblysyna jumys saparymen barǵan Densaýlyq saqtaý mınıstri Aqmaral Álnazarova MÁMS portalynda keıbir aqparattyń qazirdiń ózinde qoljetimdi ekenin, biraq aımaqtar men naqty mekemeler boıynsha egjeı-tegjeıli taldaý odan ári engizýdi qajet etetinin atap ótti.

- Keıbir derekter MÁMS saıttarynda qazirdiń ózinde bar, biraq barlyq medıtsınalyq uıym boıynsha ashyqtyqty qamtamasyz etý úshin júıe keńeıtýge daıyndalyp jatyr. Depýtattar ashyqtyq máselesin kóterip jatyr, biz de buǵan múddelimiz, - dep atap ótti ol.

Vedomstvo MÁMS júıesimen jumys isteıtin densaýlyq saqtaýdyń memlekettik jáne jekemenshiktegi shamamen 2 myńǵa jýyq jetkizýshisin biryńǵaı tsıfrlyq júıege biriktirý jospary týraly jarııalady. Barlyq medıtsınalyq mekeme qarjy aǵyndary týraly derekterdi, sonyń ishinde 1 S baǵdarlamasyn avtomatty túrde jiberý úshin qarjylyq baǵdarlamalardy sınhrondaýǵa mindetti bolady.

- Maqsat – sur aımaqtardy joıý. MÁMS-tiń barlyq qarjylyq aǵyny naqty ýaqyt rejıminde monıtorıng júrgizý úshin qoljetimdi bolýy kerek, qarajattyń maqsatty paıdalanylýy men jumys tıimdiligi baqylanýy tıis, - dep málimdedi Densaýlyq saqtaý mınıstri.

Aqmaral Álnazarova buǵan deıin MÁMS júıesiniń basty nátıjelerin atady. 

Sondaı-aq MÁMS densaýlyq saqtaý salasynyń negizgi qarjylandyrý kózine aınalatynyn jazǵan bolatynbyz.