Mınıstrlik quramynda qanty bar sýsyndarǵa aktsızdi kóterý usynysyna túsinik berdi

ASTANA. KAZINFORM – QR Densaýlyq saqtaý vıtse-mınıstri – Bas memlekettik sanıtarııalyq dáriger Aıjan Esmaǵambetova elimizde quramynda qanty kóp sýsyndarǵa aktsızdi kóterý usynysyna pikir bildirdi.

«Qazirgi zertteýlerge qaraǵanda, semizdik pen qant dıabetine shaldyǵý kórsetkishi artyp kele jatyr. Sonymen qatar, balalar arasynda artyq salmaq kóp kezdesedi. ıAǵnı artyq salmaq keıinnen sozylmaly aýrýlardyń paıda bolýyna alyp keledi. Eger qatelespesem, 0,5 ml Coca-Cola quramynda 10 táýliktik normadaǵy qant bar. Budan basqa, qant basqa da ónimderdiń quramynda bar», - dedi A. Esmaǵambetova Senatta tilshiler suraǵyna jaýap bere otyryp.

Onyń atap ótýinshe, aktsız máselesi Dúnıejúzilik densaýlyq saqtaý uıymy usynysyna sáıkes keledi.

«Densaýlyq saqtaý mınıstrligi bul normany ózi oılap tappady, Dúnıejúzilik densaýlyq saqtaý uıymy tıisti usynysyn jarııalady. Kóptegen elde osy aktsızder engizilgen. Qant qosylǵan sýsyndarǵa salynatyn salyqtar ony satyp alýdy azaıtýǵa yqpal etetin sharalardyń biri sanalady. Árıne, bul sharalar qosymsha tańbalaýdy engizýdi, mindetti aqparattyq túsindirýdi, sondaı-aq balalardyń durys tamaqtaný turǵysynda ata-analarmen tıisti jumysty qamtıdy», - dedi vıtse-mınıstr.