Mınıstrlik Qyzylorda oblysynda jasóspirimniń soqqyǵa jyǵylýyna qatysty pikir bildirdi

QYZYLORDA. KAZINFORM – Balalardyń quqyqtaryn qorǵaý komıteti Qyzylorda qalasyndaǵy mektepterdiń birinde zardap shekken oqýshynynyń anasymen baılanysqa shyǵyp, hal-jaǵdaıyn bilgen. 

— Qazirgi ýaqytta oqýshy em qabyldaýda, jaǵdaıy turaqty. Oqý-aǵartý mınıstrligi Balalardyń quqyqtaryn qorǵaý komıteti zardap shekken balanyń anasymen baılanysqa shyqty. Otbasyna psıhologııalyq jáne zań sheńberinde kómek kórsetý usynyldy, — delingen habarlamada.

Oqıǵa boıynsha qylmystyq is qozǵalyp, sot-medıtsınalyq saraptama taǵaıyndaldy.

— Mektepte profılaktıkalyq keńes otyrysy ótkizildi. Quqyq buzǵan oqýshylar qalalyq polıtsııa basqarmasynyń jáne mektepishilik profılaktıkalyq esepke alyndy. Atalǵan mektepte bilim berý uıymdary, quqyq qorǵaý organdary jáne psıhologtar qatysýymen «Zań jáne tártip» qaǵıdaty negizinde profılaktıkalyq jumys júrgizilip jatyr, — delingen habarlamada. 

Aıta ketelik Qyzylorda qalasyndaǵy mektepterdiń birinde oqýshyny jasóspirimder jabylyp urǵany jóninde jazǵan edik.