Mınıstrlik qazaqstandyq taýar óndirýshiler reestrine qatysty suraqtarǵa jaýap beredi
ASTANA. KAZINFORM – Arnaıy bıznes ókilderi úshin birneshe baılanys arnalary ashyldy. Bul týraly Ónerkásip jáne qurylys mınıstrliginiń baspasóz qyzmeti habarlady.
Ónerkásip jáne qurylys mınıstrligi jańa memlekettik tsıfrlyq servıs — qazaqstandyq taýar óndirýshiler reestrine qatysty túsindirý jumystaryn jalǵastyryp jatyr. Arnaıy bıznes ókilderi úshin birneshe baılanys arnalary ashyldy.
— OTÓ reestrine qatysty suraqtarǵa mınıstrliktiń 1465 tegin nómiri arqyly jumys isteıtin call-ortalyǵy, e-Otinish portaly arqyly jáne e-ondiris@mps.gov.kz elektrondyq poshtasy arqyly jaýap beriledi.
Ónerkásip jáne qurylys mınıstrliginiń resmı saıtynda qazaqstandyq taýar óndirýshiler reestrine arnalǵan jeke bólim ashylyp, onda jıi qoıylatyn suraqtarǵa jaýaptar men túsindirme materıaldar ornalastyryldy, — delingen habarlamada.
Qazaqstandyq taýar óndirýshiler reestri — taýarlardyń otandyq shyǵý tegin rastaýǵa arnalǵan memlekettik tsıfrlyq servıs. Júıe ashyqtyq pen tsıfrlyq verıfıkatsııa qaǵıdattaryna negizdelgen jáne kásipkerlerdiń memlekettik qoldaý sharalaryn alýyn jáne retteletin satyp alýlarǵa qatysýyn jeńildete túsedi.
— Onlaın-keńes berý arnalaryn qurý arqyly bıznespen búrkemesiz ashyq dıalog qurylady, bul Ónerkásip jáne qurylys mınıstrliginiń júıeli jumysynyń bir bóligi, — delingen habarlamada.
Aıta ketelik bıyl otandyq taýar óndirýshilerdiń reestri iske qosylatyny týraly jazǵan edik.