Mınıstrlik ınternettegi aqaýǵa baılanysty pikir bildirdi

Jasandy ıntellekt jáne tsıfrlyq damý mınıstrligi jekelegen paıdalanýshylar tarapynan ınternettiń ustamaı qalýy boıynsha qıyndyqtardyń júıeli sıpatta bolmaǵanyn habarlady.

— Atalǵan kezeńde baılanys operatorlary jelileriniń jumysynda aqaý tirkelgen joq, telekommýnıkatsııalyq ınfraqurylym shtattyq rejımde jumys istedi.

Baılanys operatorlarynyń aqparaty boıynsha, jekelegen paıdalanýshylar ınternet sapasynyń ýaqytsha tómendeýine tap bolýy múmkin, — delingen mınıstrlik habarlamasynda.

Bul birqatar faktorǵa, sonyń ishinde kelesi sebepterge baılanysty bolýy yqtımal:

* bazalyq stantsııalarǵa túsetin júktemeniń artýy nemese birkelki bolmaýy;
* radıoortanyń erekshelikteri men qurylys tyǵyzdyǵy;
* jelini bir ýaqytta kóp abonenttiń paıdalanýy;
* jeliniń turaqtylyǵy men sapasyn arttyrýǵa baǵyttalǵan josparly jumystardy júrgizý.

— Negizgi tsıfrlyq memlekettik servıster men aqparattyq júıeler jumysy aqaýsyz jalǵasty. Jalpy el boıynsha ınternet turaqty jumys istedi.

Mınıstrlik baılanys operatorlarymen birlesip, jelilerdiń jumysyna baqylaý júrgizedi. Qajet bolǵan jaǵdaıda operatorlar shuǵyl túrde tehnıkalyq sharalar qabyldaıdy, — delingen habarlamada.

Aıta ketelik búgin Halyq banktiń tsıfrlyq qyzmetteri jáne Otbasy bank qosymshasy men enpf-otbasy portaly ýaqytsha istemeı turǵanyn jazǵan edik.