Mınıstrlik ınternet-resýrstaryndaǵy ýaqytsha irkiliske ne sebep bolǵanyn túsindirdi
ASTANA. KAZINFORM – Jekelegen ınternet-resýrstaryndaǵy ýaqytsha irkilister qurylys jumystary kezinde magıstraldyq talshyqty-optıkalyq baılanys jelisiniń zaqymdalýyna baılanysty boldy. Bul týraly Jasandy ıntellekt jáne tsıfrlyq damý mınıstrligi habarlady.
«Qazaqtelekom» AQ aqparaty boıynsha, qurylys tehnıkasy halyqaralyq ınternet-trafıktiń negizgi baǵyttarynyń birin qamtamasyz etetin kabeldi zaqymdaǵan.
Mamandar trafıkti shuǵyl túrde rezervtik arnalarǵa aýystyrdy, bul baılanystyń tolyq óship qalmaýyna múmkindik berdi.
Qazir qalpyna keltirý jumystary júrgizilip jatyr. Buǵan jer jumystaryn júrgizý kezinde baılanys jelisiniń zaqymdanýy sebep boldy.
Aıta keteıik, Qazaqstanda ınternet-alaıaqtyqtan keletin shyǵyn 20 mlrd teńgege jetti.
