Mınıstrlik fılmderdi prokatqa shyǵarýǵa deıingi saraptamadan ótkizý qaǵıdalaryn bekitti

Jańa talaptar Memleket basshysynyń Býrabaıda ótken Ulttyq quryltaıda bergen tapsyrmasy negizinde ázirlendi. Osyǵan baılanysty «Kınematografııa týraly» zańǵa engizilgen ózgeristerge Prezıdent 2026 jylǵy 18 aqpanda qol qoıdy. Zań normalary 2026 jylǵy 16 maýsymnan bastap kúshine enedi.

Jańa tetik kınoónimderdiń qoldanystaǵy zańnama talaptaryna sáıkestigin qamtamasyz etýge jáne kınoprokat júıesin jetildirýge baǵyttalady.

Prokat aldyndaǵy saraptama barysynda fılmderde Qazaqstan zańnamasynda tyıym salynǵan materıaldardyń bar-joǵy anyqtalady.

Komıssııa quramynda kınematografııa, densaýlyq saqtaý, bilim jáne ǵylym, quqyq salalarynyń mamandary, sondaı-aq ózge de sarapshylar bar.

Komıssııa usynǵan qorytyndy sheshim qabyldaý kezinde eskerilip, prokat kýáligin berý nemese odan bas tartý máselesine negiz bolady.

Tolyq aqparatty silteme arqyly bilýge bolady: 

https://www.gov.kz/memleket/entities/mam/documents/details/1027435?lang=kk

https://www.gov.kz/memleket/entities/mam/documents/details/1027438?lang=kk

https://www.gov.kz/memleket/entities/mam/documents/details/1027442?lang=kk

https://www.gov.kz/memleket/entities/mam/documents/details/1027445?lang=kk

Qazaqstanda fılmder prokatqa shyǵar aldynda pornografııa men tyıym salynǵan kontentke tekseriletinin jazǵan bolatynbyz.