Mınıstrlik Azıada formasyn synaǵan sportshyǵa jaýap berdi
Týrızm jáne sport mınıstrligi Azıada spartakıadasy úshin otandyq sportshylarǵa daıyndalǵan sporttyq formanyń sapasyna qatysty túsinikteme berdi, dep habarlaıdy QazAqparat tilshisi.
«Qoldanystaǵy qaýlyǵa sáıkes sporttyq kıim-keshek otandyq taýar óndirýshilerden satyp alynýy kerek. Ondaı tájirıbe bar. Aıtýly jarystarda ulttyq quramalar otandyq óndirýshilerdi qoldaıdy. ıAǵnı qazaqstandyq formany satyp alady, osylaısha jumys oryndaryn ashý múmkindigi bolady»,- delingen resmı habarlamada.
Aqparatta aıtylǵandaı, Azıadanyń sporttyq formasy ádettegideı qazaqstandyq óndirýshilerden satyp alynǵan.
«Formanyń dızaıny, mata sapasy máseleleri jattyqtyrýshylar shtabynyń ókilderimen jáne sportshylar arasynda talqylandy. Sheshim alqa otyrysynda qabyldandy. Sportshylardan forma boıynsha komıtetke shaǵym túsken joq. Biz Azııa oıyndarynda osyndaı jaýapty saıystar kezinde sportshylardyń emotsııalaryn túsinemiz. Qazir basqarýshy quram sportshylarǵa qajetti jaǵdaı jasaý úshin barlyq baǵytta jumys júrgizip jatyr», - deıdi mınıstrlikten.
Sondaı-aq QR Sport jáne týrızm mınıstrliginiń baspasóz qyzmeti Azııa oıyndarynda óner kórsetip jatqan Qazaqstan quramasynyń sporttyq formasyna qatysty túsinik berdi.
«Azııa oıyndarynan keıin arnaıy komıssııa qurylyp, sportshylardyń túrli jarystarda óner kórsetýi úshin sporttyq forma daıyndaý máselelerin zertteıdi. Qoldanystaǵy zańnama boıynsha sporttyq kıim-keshek tizilimge kiretin jáne ındýstrııalyq sertıfıkaty men ST-KZ sertıfıkaty bar otandyq taýar óndirýshilerden satyp alynýy tıis. Sporttyq forma osy sertıfıkaty bar óndirýshilerden satyp alyndy. Aıta ketý kerek, ındýstrııalyq sertıfıkaty men ST-KZ sertıfıkaty bar otandyq óndirýshiler sany az»,-dep jazdy mınıstrliktiń baspasóz hatshysy Móldir Abdýalıeva óziniń Facebook paraqshasynda.
Sondaı-aq onyń sózinshe, «KazSpo-N kompanııasy «Zibroo» JShS, JK 79-shy KVARTAL jáne «TORI KOMPANI» JShS-men shart jasaldy.
«Jetkizý tolyq kólemde júzege asyryldy. Mysaly, Zibroo kompanııasy bizdiń sportshylarymyzdyń Olımpıada jáne Azııa oıyndaryna qatysýy úshin jabdyqtardy tigip, ózin adal jetkizýshi retinde kórsetti. Sporttyq jabdyqtardyń dızaıny birneshe ret álemdik arenadaǵy eń jaqsylardyń biri retinde atalypp ótti. Sondaı-aq, jetkizýshi kompanııalar qajet bolǵan jaǵdaıda formany aýystyryp berýge daıyn.
Esterińizge sala keteıik, buǵan deıin dızaın men sapasy federatsııa ókilderimen kelisilgen bolatyn jáne sportshylar tarapynan shaǵym túsken joq»,-dep jazdy ol.
