Mınıstrlik Astana turǵyndarynyń úreıin ushyrǵan dabylǵa qatysty túsinikteme berdi

ASTANA. KAZINFORM — Búgin Astanada qala turǵyndary men qonaqtarynyń smartfondarynda Ulttyq eskertý iske qosyldy, dep habarlaıdy QR TsDIAÓM baspasóz qyzmeti.

QR Tsıfrlyq damý, ınnovatsııalar jáne aeroǵarysh ónerkásibi mınıstrligi baspasóz qyzmetiniń málimetinshe, bul eskertý testileý rejıminde júrgizildi.

— Qazirgi ýaqytta Astana qalasynyń Cell Broadcast tehnologııasy boıynsha Tótenshe jaǵdaılar kezinde jappaı qulaqtandyrý júıesine qosý boıynsha jumystar júrgizilip jatqanyn habarlaımyz. Bul eskertý testileý rejıminde júrgizildi. Ýaıymdamaýdy jáne tek resmı aqparat kózderine senýdi suraımyz, — dep túsindirdi vedomstvo.

Buǵan deıin habarlanǵandaı, Almatyda MasAlert júıesi magnıtýda 5,5 baldan tómen kezde iske qosylýy múmkin ekeni aıtyldy.