Mınıstrlik amerıkalyq blogerdi shaqyrý týraly aqparatty joqqa shyǵardy
ASTANA. KAZINFORM — Týrızm jáne sport mınıstrligi birqatar buqaralyq aqparat quralynda jarııalanǵan, amerıkalyq blogerdi vedomstvo arnaıy shaqyrdy degen aqparatty resmı túrde joqqa shyǵarady.
Mınıstrlik sheteldik blogerlerdi, týrıstik qaýymdastyqtar men kompanııalardy toptyq aqparattyq týrlar aıasynda shaqyrý boıynsha júıeli jumys júrgizedi.
— Vedomstvo qyzmetinde jekelegen jeke tulǵalardy shaqyrý qarastyrylmaǵan. Resmı túrde jeke ótinishter túsken jaǵdaıda mınıstrlik jan-jaqty qoldaý kórsetedi. Alaıda atalǵan blogerden mınıstrlikke eshqandaı ótinish kelip túspegen, — delingen mınıstrlik habarlamasynda.
Sonymen qatar Kazakh Tourism ulttyq kompanııasy atynan blogermen jeke hat almasý bolǵanyn habarlaıdy. Kompanııa málimeti boıynsha, kelissózder naqty kelisimge jetpeı aıaqtalǵan.
— Kazakh Tourism ulttyq kompanııasy óz tarapynan elimizdiń týrıstik áleýetimen tanysý úshin aqparattyq qoldaý kórsetýge jáne qajetti málimetter usynýǵa daıyn, — delingen habarlamada.
Aıta ketelik elde týrıstik baǵyttarǵa jol salynyp jatqany týraly jazǵan edik.
