Mınıstrlik áleýetti JІÓ-niń esepteý ádistemesin bekitti
ASTANA. KAZINFORM – Sapaly ekonomıkalyq ósýdi qamtamasyz etý jáne makroekonomıkalyq taldaýdy odan ári jetildirý jónindegi jumys sheńberinde QR Ulttyq ekonomıka mınıstrligi áleýetti jalpy ishki ónimdi (JІÓ) esepteýdiń ádistemesin bekitkenin málim etti.
Yqtımal JІÓ óndiristik faktordy tolyqtaı paıdalaný jáne ınflıatsııalyq qysym bolmaǵan kezdegi ekonomıkadaǵy múmkin bolatyn eń joǵary óndiris kólemin anyqtaıdy. Bul kórsetkishti esepteý Qazaqstandaǵy ekonomıkalyq ósýdiń tabıǵı shegin jáne onyń naqty mánnen qanshalyqty joǵary nemese tómen ekenin anyqtaýǵa múmkindik beredi.
Ádisteme bolashaqtaǵy JІÓ-ni esepteýdiń halyqaralyq tájirıbesin eskerip otyr. Bul rette jumyspen qamtýdyń artýy, ınvestıtsııa men negizgi kapıtaldyń ósýi, sondaı-aq tehnologııalyq progress (jıyntyq faktorlyq ónimdilik) sııaqty faktorlardyń ekonomıkalyq ósýge qosatyn úlesi baǵamdalyp, álemdik tájirıbede keń taraǵan Kobb-Dýglas óndiristik fýkntsııasy qoldanylǵan.
Esepteý úshin Ulttyq statıstıka bıýrosynyń resmı derekteri paıdalanylady. Yqtımal JІÓ-ni baǵalaýdy toqsan saıyn júzege asyrý josparlanyp otyr. Nátıje ekonomıkalyq ósýdiń sapasyn baǵalaý jáne ekonomıkalyq tsıkl fazasyn anyqtaý úshin taldamalyq maqsatta paıdalanylady.
Aıta keteıik, Qazaqstan álemdik JІÓ ósimine úles qosatyn TOP-25 eldiń qataryna endi.
