Mınıstrlik Aqtóbe oblysyndaǵy balalardyń jaǵdaıyna qatysty túsinik berdi
AQTÓBE. KAZINFORM — Aqtóbe oblysynda áleýmettik jeli arqyly anasyna arasha túsken balalardyń máselesi mınıstrliktiń baqylaýynda. Bul týraly Bilim mınıstrligi Balalardyń quqyqtaryn qorǵaý komıteti habarlady.
— Atalǵan másele Oqý-aǵartý mınıstrligi Balalardyń quqyqtaryn qorǵaý komıtetiniń, Bala quqyqtary jónindegi ýákildiń jáne Aqtóbe oblysy ákimdiginiń baqylaýynda. Qazirgi ýaqytta barlyq balalar kámelet jasqa tolǵan ápkelerimen birge qaýipsiz jerde ornalasqan. Oblystyq balalardyń quqyqtaryn qorǵaý basqarmasynyń mamandary otbasynyń turǵylyqty jerine baryp, jaǵdaımen tanysty. Balalardyń hal-ahýaly qanaǵattanarlyq, turmys jaǵdaıy belgilengen normalarǵa saı, — delingen habarlamada.
Balalardyń qaýipsizdigi men ál-aýqatyn qamtamasyz etý máselesi jaǵdaı tolyq sheshilgenge deıin turaqty baqylaýda bolady.
Buǵan deıin Aqtóbede bir úıdiń 5 balasy anasyna arasha suraǵany týraly jazǵan edik.