Mınıstrlik 2026-2027 oqý jylynyń bastalý, aıaqtalý merzimi men demalys kezeńderin bekitti
ASTANA. KAZINFORM – Oqý-aǵartý mınıstrligi 2026-2027 oqý jylynyń bastalý jáne aıaqtalý merzimin, sondaı-aq orta bilim berý uıymdaryndaǵy oqýshylardyń demalys kezeńderin bekitti.
Jańa oqý jyly 2026 jylǵy 1 qyrkúıekte bastalyp, 2027 jylǵy 25 mamyrda aıaqtalady.
Birinshi toqsan 8 oqý aptasyna sozylady. Kúzgi demalys 7 kúnge jalǵasyp, 2026 jylǵy 26 qazan men 1 qarasha aralyǵynda ótedi.
Ekinshi toqsan da 8 oqý aptasynan turady.
Qysqy demalys 14 kúnge sozylyp, 2026 jylǵy 28 jeltoqsan men 2027 jylǵy 10 qańtar aralyǵynda ótedi.
Birinshi synyp oqýshylary úshin 2027 jylǵy 8-14 aqpan aralyǵynda 7 kúndik qosymsha demalys qarastyrylǵan.
Úshinshi toqsan 10 oqý aptasyna sozylady. Kóktemgi demalys 7 kúnge jalǵasyp, 2027 jylǵy 22-28 naýryz aralyǵynda ótedi.
Tórtinshi toqsan 8 oqý aptasyna sozylyp, 2027 jylǵy 25 mamyrda aıaqtalady.
Sondaı-aq 9 (10) jáne 11 (12) synyp túlekteriniń qorytyndy attestattaý merzimi bekitildi. Tolyq aqparat Oqý-aǵartý mınıstrliginiń resmı aqparattyq resýrstarynda jarııalanǵan.
Aıta keteıik, 2026–2027 oqý jylyndaǵy muǵalimderge arnalǵan jańa talaptar tanystyryldy.
