Mınıstrliktiń jumys toby Ulytaýdyń tarıxı jerlerin tekserip shyǵady
«Osy aptada arnaıy jumys toby Jezqazǵanǵa attanady. Ulytaý - elimizdiń rýxanı ortalyǵy. Sol jaqta qasıetti jerler kóp. Ony bárimiz jaqsy bilemiz. Jumys toby tarıxı eskertkishterdiń jaǵdaıyn qarap, týrıstik ınfraqurylymdy tolyǵymen zerdelep shyǵady. Biz Ulytaýdy aralaýǵa qansha ýaqyt ketetinin, joldardyń jaǵdaıy qandaı, týrısterdiń júrip-turýyna nendeı sharalar jasalatynyn anyqtap alýymyz qajet. Sol sebepti týrıstik uıymdar men «QazAvtojol» kompanııasynyń ókilderi bizben birge barady», - dedi Batalov búgin Úkimet otyrysynan keıingi baspasóz máslıxatynda.
Vıtse-mınıstrdiń sózine qaraǵanda, búginde «Qazaqstannyń sakraldy geografııasy» jobasy aıasynda ǵylymı jumystar qolǵa alynyp jatyr. Osyǵan oraı, birneshe ekspedıtsııa jasaqtalyp, aımaqtarǵa jiberildi. Atalǵan toptar naqty eskertkishterdi jáne sonyń bárin qalpyna keltirý úshin qansha qarjynyń ketetinin anyqtaıdy.
