Mınıstrliktiń tapsyrysymen áskerı realıtı-shoýǵa qatysýǵa kastıng jarııalandy
ASTANA. 4 maýsym. QazAqparat - Qorǵanys mınıstrliginiń tapsyrysy boıynsha televızııalyq «Erekshe tapsyrma» realıtı-shoýynyń úshinshi maýsymyn túsirý bastalady.
«Áskerı iste óz kúshin synap kórmegenderge «Erekshe tapsyrma» realıtı-shoýyna qatysýǵa kastıng jarııalanady. Jobaǵa qatysýǵa 18 jastan asqan erler men áıelder shaqyrylady. Qarýly kúshterde qyzmet ótkerý tájirıbesiniń bolýy mindetti emes»,-delingen atalǵan vedomstvonyń baspasóz qyzmetiniń málimetinde.
Oǵan qatysýshylar ózderiniń dene jáne psıhologııalyq daıarlyǵynyń deńgeıin synaqtan ótkizip, batyldyq pen jaýyngerlik rýhtyń, óz kúshine degen senimdiliktiń arqasynda kez kelgen synaqtan múdirmeı óte alatynyn dáleldeıdi.
Bul shoýda qazirgi zamanǵy qarý-jaraq, jaýyngerlik tehnıka, arnaıy daıarlyq kútip tur.
«Erekshe tapsyrma» áskerı realıtı-shoýynyń jeńimpazyna beriletin bas júlde avtokólik bolady. Sondyqtan www.oz.galatv.kz saıtynda saýalnamany toltyryp, nıet bildirgender kastıngke shaqyrylady. Ótinimder 2013 jylǵy 10 maýsymǵa deıin qabyldanady.
